AzərTAc-ın Türkiyə üzrə xüsusi müxbiri Oqtay Bayramovun İctimai Televiziya və Radio Yayımları Şirkətlərinə keçməsi haqda məlumat rəsmən təsdiqlənib.
AzərTAc-ın baş direktorunun müavini Dağbəyi İsmayılov
Modern.az saytına
açıqlamasında O. Bayramovun İctimai Televiziyaya keçməsi xəbərini təsdiqləyib.
“Bəli, Türkiyə üzrə xüsusi müxbirimiz Oqtay Bayramov İTV-yə keçib. Amma onun sədr müavini olması barədə dəqiq bir şey bilmirəm”.
İctimai Televiziya və Radio Yayımları Şirkətlərindən Modern.az-ın suallarını cavablandırmaq istəməyiblər...
Qeyd edək ki, “Aznews.az”ın yaydığı xəbərə görə, Azərbaycan Dövlət Teleqraf Agentliyinin (“Azərtac”) Türkiyə üzrə xüsusi müxbiri Oqtay Bayramov İTV-yə baş direktor müavini təyin edilib.
Aprelin 23-də Milli Teleradio Şurasında keçirilən səsvermədə Cəmil Quliyev İTV-yə baş direktor seçilib. C.Quliyev işə başlayan günün ertəsi İTV rəhbərliyində təmsil olunan bəzi şəxslər işdən azad olunub.
Aytən ƏLİYEVA
