Modern.az

Jurnalistlər arasında voleybol yarışı keçiriləcək

Jurnalistlər arasında voleybol yarışı keçiriləcək

Media

3 İyul 2024, 17:05

Qusar Olimpiya İdman Kompleksində jurnalistlər arasında Ümummilli Lider Heydər Əliyevin anadan olmasının 101-ci ildönümünə həsr olunmuş voleybol üzrə Zəfər Kuboku keçiriləcək.

 

Modern.az xəbər verir ki, iyulun 20-21-də baş tutacaq yarışda hər birində 6 oyunçu olan 6 komanda iştirak edəcək.

 

Komandaların adları son iki ildə keçirilmiş analoji turnirlərdəki kimi işğaldan azad olunmuş rayon və şəhərlərdən ibarət olacaq.

 

Komandalar hərəsində 3 kollektiv olmaqla A və B qruplarında qüvvəsini sınayacaq. İyulun 20-də start götürəcək qrup oyunlarında ilk iki yeri tutanlar ertəsi gün çarpaz üsulla yarımfinalda üz-üzə gələcəklər. Yarımfinal cütlərinin qalibləri finala, məğlublar isə 3-cü yer uğrunda görüşə çıxacaqlar.

 

İlk 3 yerin sahiblərinə müvafiq olaraq qızıl, gümüş və bürünc medallar, qalibə isə Zəfər Kuboku təqdim ediləcək.

 

Qeyd edək ki, püşkatma mərasimi Bakıda gerçəkləşəcək.

Youtube
Kanalımıza abunə olmağı unutmayın!
Keçid et
Putin geri çəkildi: Azərbaycanla bağlı tapşırıq verdi