Kütləvi informasiya vasitələrinin fəaliyyətinin təmin olunması məqsədilə 2024-cü ilin dövlət büdcəsindən cəm olaraq 64,9 milyon manat vəsait ayrılıb ki, bu da 2023-cü illə müqayisədə 6,5 milyon manat və ya 11,1 faiz çoxdur.
Modern.az xəbər verir ki, bu barədə Azərbaycan Respublikasının 2024-cü il dövlət büdcəsinin icrası barədə illik hesabahtda bildirilib.
Həmin vəsait “Azərbaycan Televiziya və Radio Verilişləri” Qapalı Səhmdar Cəmiyyətinin, İctimai Televiziya və Radio Yayımları Şirkətinin, “Mir” Dövlətlərarası Teleradio Şirkətinin Azərbaycan Milli Nümayəndəliyi xərclərinə sərf olunub.
Bundan başqa "Azərbaycan Nəşriyyatı" Məhdud Məsuliyyətli Cəmiyyəti üzrə 2,4 milyon manat vəsait sərf olunub.
Bu vəsaitdən "Azərbaycan", "Xalq qəzeti", “Respublika” və "Bakinski raboçi" qəzeti redaksiyaları üzrə qanunvericiliklə müəyyən edilmiş normaya uyğun həcmdə qəzet çapı xərclərinin ödənilməsi üçün istifadə olunub.
