Azərbaycanda ixtisas seiminin ardından ali məktəblərə yerləşdirmənin nəciləri açıqlandı.
Modern.az-ın məlumatına görə, builki qəbul imtahanlarında yüksək bal toplayaraq, ali məktəb tələbəsi olanlar sırasında tanınmış jurnalistlərin də övladları var.
“Yeni Müsavat” qəzetinin şərhçisi Azər Rəşidoğunun qızı Ülkər Bakı Dövlət Universitetinin Tarix fakültəsinə qəbul olunub. “Qızım Ülkər 600 bal ilə Bakı Dövlət Universitetinin Tarix fakültəsinə qəbul olundu. Bu fakültədə oxumaq ən böyük arzusu idi”-deyə Azər Rəşidoğlu sevincini bölüşüb
Digər tanınmçmış jurnalist, “Aktual.az” saytının rəhbəri Anar Yusifoğlunun qızı Aytən Yusifzadə Azərbaycan Tibb Universitetinin Müalicə işi fakültəsinə qəbul olunub.
Bir neçə gün öncə jurnalistin oğlu Elnur Yusifzadə İstanbul Universitetinin Fəlsəfə, fakültəsinin tələbəsi adını qazanmışdı.
Dövlət Sosial Müdafiə Fondunun mətbuat xidmətinin rəhbəri, jurnalist Əmrah Fəqanoğlunun da ailəsində sevinc yaşanır. Belə ki, onun oğlu Kənan yüksək balla Azərbaycan Dövlət Neft Akademiyasına qəbul olunub.
Modern.az saytının redaktoru Əziz Rzazadənin isə iki övladı ali məktəbə daxil olub. Həmkarımızın oğlu Murad Dövlət İqtisad Universitetunun kommersiya fakültəsinin, qızı Dilarə isə Mədəniyyət və İncəsənət Universitetinin aktyorluq fakültəsinin tələbəsi adını qazanıb.
Daha iki tanınmış qələm sahibləri də bu gün sevinən valideynlər sırasındadır. Həmkarımız Vəli Əkbərin qızı Mətanət "ADA" Universitetinə, yazıçı-jurnalist Varis Yolçuyevin oğlu isə Bakı Dövlət Universitetinin Beynəlxaql əlaqələr fakültəsinə daxil olublar.
“Azadlıq” qəzetinin redaktoru Rövşən Hacıyevin qızı Gülər Azərbaycan Memarlıq və İnşaat Universitetinin memarlıq fakültəsinin tələbəsi adını qazanıb.
"Olaylar" qəzetinin parlament müxbiri Alim Hüseynlinin oğlu da tələbə adını qazanıb. Həmkarımızın oğlu Zəka Hüseynli Əmək və Sosial Münasibətlər Akademiyasına qəbul olunub.
Həmkarlarımızı təbrik edirik.
A.Qorxmaz
