Arxiv
20 Sentyabr 2022, 13:40 | MÜSAHİBƏ
“Xaricdə heç kim qara qaşımıza, qara gözümüzə vurulmayıb” - Arif Əliyev
“Xaricdə heç kim qara qaşımıza, qara gözümüzə vurulmayıb” - Arif Əliyev

“Kimsə kənardan gəlib, video çəkib yaya bilməz”

 

Tanınmış jurnalist, 1992-1993-cü illərdə Azərbaycan Prezidentinin mətbuat katibi olmuş Arif Əliyev Ermənistan-Azərbaycan sərhədində baş verən son hadisələr, informasiya müharibəsi və sentyabr döyüşləri ilə bağlı sosial şəbəkələrdə səsləndirilən fikirlərlə bağlı Modern.az-ın suallarını cavablandırıb. Arif Əliyevin müsahibəsini təqdim edirik:

 

- Arif bəy, sentyabrın 12-dən Ermənistanın sərhəddə törətdiyi təxribatların qarşısını alarkən Azərbaycan Ordusunun 80 hərbçisi şəhid oldu. Qarşı tərəf də xeyli itkilər verdi. Əvvəlcə, sərhəddə baş verənlərə münasibətinizi bilmək istərdik...

 

- Hadisələr faciəvidir. Müharibədən sonra hər iki tərəfdən bu qədər itki verilməmişdi. Döyüşlərdə gənclərin həyatını itirməsi böyük rezonans doğurdu. Eyni zamanda sərhəddə baş verənlər Azərbaycana qarşı müxtəlif daxili və xarici reaksiyalarla müşahidə edildi. Hərbi aspektdə əlbəttə ki, Azərbaycanın üstünlüyü göz önündədir. İnformasiya aspektində isə bunu demək çətindir. Mətbuat bəzən susmaq məcburiyyətində qalır. Hadisələrlə bağlı ilk məlumat Ermənistan tərəfindən gəlir. Bizdə yazanlara da ciddi xəbərdarlıq olunur. Digər tərəfdən sosial şəbəkələrdə paylaşılan videolar rezonans doğurdu. Kənardan heç kim gəlib, video çəkilişlər edib, yaya bilməz. Bəzi görüntüləri ermənilər səfirliklərə, beynəlxalq təşkilatlara daşıyırlar, Azərbaycana qarşı güclü “silah” kimi istifadə edirlər. Bu, birinci dəfə deyil. 2020-ci ildə müharibə zamanı bu problemlər üzə çıxdı və bəzi müdafiə təklifləri səsləndirildi, qəbul edildi. Amma yenə də informasiya məkanında boşluqlar qalır.

 

- Bu qədər itkilərdən sonra sülhün olacağına inanırsınızmı?

 

- Mənim mövqeyim dəyişmir. Burada ən radikal və düzgün addım, bir çox sualların qalmasına baxmayaraq, Azərbaycanla Ermənistan arasında sülh müqaviləsinin imzalanmasıdır. Bu, qarşılıqlı ərazi bütövlüyünün tanınması deməkdir. Ermənistanda da artıq ciddi narahatlıqlar var. Azərbaycan və Ermənistan arasında sərhədlərin müəyyən edilməsi regionda güclü imkanları olan bəzi xarici qüvvələrin manevr şanslarını da xeyli azaltmış olar.

 

Müqavilənin imzalanması vacibdir. Hətta delimitasiya və demarkasiyanı gözləmək də lazım deyil. Çünki delimitasiya və demarkasiya olduqca çox “su aparan” məsələlərdir. Çünki bizim digər qonşularımız - Rusiya, heç bir münaqişəmiz olmayan Gürcüstanla da sərhədlərimizdə vaxtaşırı anlaşılmazlıq olur. Xüsusilə, Ermənistanla belə durumun qalması istisna deyil.

 

- Xaricdə Azərbaycana qarşı informasiya qarşıdurmasının aparılması həmişə ön planda olub. Son təxribatlar zamanı bunu hansı şəkildə müşahidə etdiniz? Ümumilikdə, informasiya müharibəsində vəziyyət necədir?

 

- Hər şey daxildən başlanır. Elə bir ölkə tanımıram ki, daxildə media zəif olsun, informasiya siyasətində problemlər yaransın, amma xaricdə qarşıdurma güclü olsun. Əgər daxildə dayaq yoxdursa, danışmaq fayda verməyəcək. Əlbəttə, informasiya savaşında Azərbaycanın uduzduğu fikrində deyiləm. Müəyyən dövrlər olur ki, Azərbaycan çox yaxşı nəticələr əldə edir.

 

Məsələn, Qarabağ savaşının son dövrlərində və ondan sonrakı ilk vaxtlar xaricdən gələn təzyiqlərə qarşı üstünlük əldə etdik.

 

Xaricdə heç kim “qara qaşımıza, qara gözümüzə” vurulmayıb. Hamı düşmənimiz də deyil. Onların konkret maraqları var, həmin maraqlar dövrə uyğun olaraq dəyişir. Bu dövrdə onların hansı materiallarla təmin olunması çox vacibdir. Son döyüşlər haqqında xaricdə yayılan materialların bəziləri Ermənistanda istehsal edilməyib. Bunlar Azərbaycanın sosial şəbəkələrində, informasiya məkanında yayılıb. Bu informasiyaların mənbəyini dəqiqləşdirmək çətin deyil. Amma buna görə cəzalanan yoxdur. Daxildə işlərimizi qaydasına sala bilsək, xaricdə uğurlarımız olacaq.

 

- Azərbaycanın erməni təxribatlarına tutarlı cavabı sərhədlərin təhlükəsizliyinin təmin edilməsi üçün vacib addımlar kimi qiymətləndirilir.  Siz bu barədə necə düşünürsünüz?

 

- Bu haqda dəqiq fikir söyləmək çətindir. Çünki sərhədlər real olaraq bilinmir. Sərhədlərin hansı dövrə uyğun olaraq müəyyənləşdirilməsi haqqında razılıq yoxdur. Rəsmi səviyyədə konkretlik yoxdur, hər kəs fərqli illərə aid xəritə irəli sürür. Həm Azərbaycan, həm Ermənistan tərəfdən buna ehtiyatla yanaşılmalıdır. Müqavilə imzalanmamış, delimitasiya və demarkasiya başlamamş hər kəs əlverişli mövqe seçmək istəyir. Çalışılan odur ki, daha əlverişli mövqe seçilsin, sonrakı danışıqlar prosesində bundan üstünlük kimi istifadə olunsun.

 

- Bəs, bundan sonrakı proseslər nə vəd edir? Gözləntiləriniz nədən ibarətdir?

 

- İndiki səviyyədə tərəflərin davranışı göstərir ki, hələ uzun müddət gərginlik davam edəcək. Bunun çözülməsi Azərbaycandan və Ermənistandan çox regionda marağı olan Rusiyadan, Avropa İttifaqının cəsarətindən də asılı olacaq.Ermənistana olan təzyiqlər təkcə Azərbaycanla sərhəddən, Qarabağ məsələsindən gələn təzyiqlər deyil.  Ərazi iddiaları, ölkənin daxili məsələləri və digər problemlər var.

 

Ortada siyasi qərar olmadığı halda, indiki şəraitdə proqnoz vermək çətindir. Yaxın müddətdə problemin fundamental həlli imkanları çox kiçik görünür. Müharibənin dayanmasından iki ilə yaxın vaxt keçib. Bu müddət ərzində baş verən toqquşmalar, itkilər ən azı yaxın müddət üçün siqnal olmalıdır.

BU KATEQORİYADAN OLAN DİGƏR XƏBƏRLƏR
+ Arxiv
modern.az modern.az modern.az
İran od tutub yanır - Xalq üsyanı genişlənir
“Hələ heç kimdən hədiyyə almamışam” - 76 yaşlı sabiq nazir 16:27, Bu gün Sergey Bodrovun qızı atasının yolunu seçdi - FOTO 16:14, Bu gün İranda güneyli fəal qadın saxlanılıb 16:06, Bu gün “Açıq mikrofon” tərtərli abonentlərin müraciətlərini səsləndirdi 16:02, Bu gün Bu il 2077 nəfər 600-dan yuxarı bal TOPLAYIB 15:58, Bu gün Duma Ukraynanın 4 vilayətinin ilhaqına dair sazişi təsdiqlədi 15:54, Bu gün Ermənistanın keçmiş baş naziri erməniləri müharibəyə çağırdı 15:50, Bu gün Stansiyaların iş rejimilə bağlı yeni QƏRAR 15:46, Bu gün Sərnişindaşıma ilə bağlı TƏKLİFLƏR HAZIRLANIR - Tapşırıq verildi 15:42, Bu gün Ulu Öndərin xidmətləri gənc nəslə örnəkdir 15:38, Bu gün Prezident təqaüdçüsü olan ağdamlı bacılar: “Biz həm də tələbə yoldaşıyıq” 15:34, Bu gün Sabiq rəisə cinayət işi açıldı – Pulla “işə” düzəldirmiş… 15:30, Bu gün Kürdəmirdə DƏHŞƏT - Müəllim arvadına 20 bıçaq vurdu - YENİLƏNİB 15:26, Bu gün Azərbaycan icması Toronto şəhərində piket keçirib 15:22, Bu gün İnam Kərimovdan yeni TƏYİNATLAR 15:18, Bu gün Qurban Qurbanovun aylıq maaşı MƏLUM OLDU  15:14, Bu gün BMU-nun tələbəsi Prezident təqaüdünə layiq görüldü 15:10, Bu gün Masallı xəstəxanasının direktoruna yeni vəzifə verildi 15:06, Bu gün İçərişəhərin Qala divarları vandalizm izlərindən təmizlənib 15:03, Bu gün Azərbaycan-İran sərhədində əməliyyat - FOTO 15:00, Bu gün Kolleclərin boş qalan yerlərinə qəbul nəticələri AÇIQLANDI 14:56, Bu gün Prezident təqaüdünə layiq görülənlərdən ikisi bacıdır 14:52, Bu gün 90 mindən çox uşaq məktəbəhazırlıq qruplarına cəlb olunub 14:44, Bu gün Ekspert nazirlə RAZILAŞMADI - "Qəbuldakı yüksək nəticə özəl sektorun hesabınadır" 14:40, Bu gün Əliyar Əliyevin şəhadət günü - Məzarı ziyarət olundu 14:36, Bu gün Londonda həmyerlimizin rəhbərlik etdiyi şirkət “İlin hüquq şirkəti” seçilib 14:32, Bu gün Elnur Məmmədli təltif edildi - SƏRƏNCAM 14:28, Bu gün Bakıda kibertəhlükəsizlik mövzusunda sammit keçirilib - FOTOLAR 14:24, Bu gün Böyük inkişafa aparan yolun başlanğıc tarixi 14:20, Bu gün Ömər Faiq Nemanzadənin yubileyi qeyd ediləcək 14:16, Bu gün Xanım jurnalistə AzTV-də vəzifə verildi 14:12, Bu gün Prezident onları TƏLTİF ETDİ 14:08, Bu gün ÜST Azərbaycanı “malyariyadan azad” ölkə kimi sertifikatlaşdıracaq 14:04, Bu gün “Böyük Qayıdış” Cəbrayıldan başlayıb 14:00, Bu gün “Müəllimlər sinif otaqlarını icarəyə götürür” - Deputat 13:56, Bu gün Ukraynada 239 uşaq itkin düşüb 13:52, Bu gün Bakı İrəvandan bunları tələb edir - Paşinyanın arvadının qəzeti 5 tələbi DƏRC ETDİ 13:48, Bu gün AFFA sabah millimizin baş məşqçisi ilə bağlı qərar verəcək 13:44, Bu gün Öldüyü deyilən Xamenei açılışda - FOTO 13:40, Bu gün