İmişli rayonu ərazisində polis əməkdaşının iştirakı ilə ağır yol qəzası baş verib. Modern.azsaytı APA-ya istinadən xəbər verir ki, hadisə rayonun Xəlfəli və Qulubəyli kəndlərini birləşdirən avtomobil yolunda qeydə alınıb. Hadisə “Ford Tranzit” markalı mikroavtobusla “Mercedes” markalı minik avtomobilinin toqquşması nəticəsində baş verib.
Hadisə nəticəsində hər iki nəqliyyat vasitəsini idarə edən sürücülər dünyasını dəyişib. Onlardan biri Beyləqan rayon sakini 1967-ci il təvəllüdlü Vəliyev Məhəmməd Bəylər oğludur.
Hadisə nəticəsində ölən ikinci sürücü isə “Mercedes” markalı minik avtomobilinin sürücüsü İmişli Rayon Polis Şöbəsinin əməkdaşı, polis serjantı 1972-ci il təvəllüdlü Musayev Rabil Hizbullah oğludur. Qeyd edək ki, qəza nəticəsində 2 nəfər ölüb, 12 sərnişin xəsarət alıb.
Modern.az
