Mİlli Məclisin bəzi deputatları Azərbaycanda yeni müxalifətin formalaşmasına ehtiyac olduğunu bəyan edirlər. Hətta artıq bu prosesin başlandığını da deyirlər.
Parlamentin üzvü, politoloq Rasim Musabəyov məsələ ilə bağlı Modern.az saytına şərh verərkən qeyd edib ki, bu məsələnin qoyuluşu duzgün deyil və peşəkar bir siyasətçi kimi bu, ona çatmır: “Ümumiyyətlə, yeni müxalifət nə deməkdir...? Mən bunu başa düşə bilmirəm. Müxalifət anlayışı belədir ki, bu, bir meydandır, kim bacarır meydana girir və müxalifətçilik edir, bacara bilməyən ya bu meydana girə bilmir ya da meydandan tez çıxır. Sadəcə, bizdə müxalif siyasi qüvvələrin bir qismi oturuşub, bir qismi isə əksinə... İqtidar isə vahid bir qüvvədir”.
R.Müsabəyov qeyd edib ki, yeni müxalifət anlayışı yoxdur: “Müxalifət düşərigəsində yeniliklər də görünmür. Ənənəvi müxalifətdə isə xeyli problemlər var, bunu özümüz də görürük. Bu daha çox parçalanmalarda özünü göstərir”.
Modern.az
