“Ermənistan-Türkiyə münasibətləri heç də Ərdoğanın istədiyi kimi qurulmur. Ola bilsin ki, Ərdoğan bu səbəbdən Qarsdakı türk-erməni dostluğuna ucaldılan abidənin sökülməsini tələb edib”.
Bu fikirləri Milli Məclisin deputatı, politoloq Rasim Musabəyov Modern.az saytına açıqlamasında bildirib. O, qeyd edib ki, ermənilər hər zaman olduğu kimi, yenə də öz çirkin iddialarından əl çəkmək fikrində deyillər.
Millət vəkili onu da vurğulayıb ki, “Türkiyə-Ermənistan münasibətləri son zamanlar heç də yaxşı deyil. Mən hesab edirəm bu, hansısa bir siyasətçinin və siyasətşünasın şərhini tələb edən bir məsələ deyil”.
Xatırladaq ki, Türkiyənin baş naziri Rəcəb Tayyib Ərdoğan Qars vilayətində olarkən orda türk-erməni dostluğununun şərəfinə tikilən abidənin sökülməsinin tələb edib.
Qarslıların çoxsaylı narazılığına baxmayaraq iki il öncə bələdiyyə başkanının inşa etdirdiyi bu abidəyə nə az, nə çox 350 min yeni türk lirəsi xərclənib.
Anar
