Türkiyənin Hakkari əyalətinin Çukurca rayonunun Çığılı bölgəsində terrorçu PKK qruplaşmasının silahlıları ilə atışmada 8 əsgər şəhid olub.
Modern.az saytı Türkiyə KİV-nə istinadən xəbər verir ki, Silahlı Qüvvələrin Baş Qərargahının yaydığı məlumata görə, terrorçularla atışma bu sabah Türkiyə vaxtı ilə saat 04:50-də baş verib. Hadisə zamanı 8 əsgər şəhid olub, 8-i isə ağır yaralanıb.
Yayılan məlumatda bildirilir ki, öncə 6 əsgər həyatını itirib. Daha sonra isə hadisə yerinə gələn vertolyotun qəzaya uğraması səbəbindən 2 pilot da şəhid olub.
Terrorçuların məhv edilməsi üçün xüsusi təyinatlılar tərəfindən F-16 təyyarəsi, döyüş vertolyotları olay yerinə da cəlb olunub. Son məlumata görə, bu dəqiqələrə qədər davam edən antiterror əməliyyatında 6 terrorçu məhv edilib.
Hazırda Hakkari bölgəsində terrorçulara qarşı xüsusi təyinatlıların əməliyyatları davam etməkdədir.
