Odessanın qubernatoru Mixail Saakaşvili gələn həftə iş kabinetini Odessa-Reni yolunda aparılan təmir işləri raynunda çadıra köçürməyə söz verib. Modern.az Ukrayna KİV-nə istinadən bildirir ki, bu haqda qubernator özünün Facebook səhifəsində məlumat yayıb.
“Gələn həftə öz kabinetimi Odessa-Reni yoluna köçürürəm. Bütün işgüzar görüşləri və qəbulları istisnasız olaraq bu çadırda keçirəcəyəm. Çadırı iş cəbhəsi 100 faiz maliyyə ilə təmin olunana qədər tərk etməyəcəyəm. İnsanları ələ salmaq kifayətdir”, - Saakaşvili yazıb.
O, gələn həftənin ikinci günü maliyyələşmənin həcminin və tikintinin intensivliyi üçün Ukraynanın baş naziri Vladimir Qroysmanla görüşəcəyini də xəbər verib.
Modern.az
