Türkiyə prezidenti Rəcəb Tayyip Ərdoğan Vladimir Putinlə planlaşdırılan görüşü haqda danışıb.
Modern.az Türkiyə KİV-nə istinadən xəbər verir ki, avqustun 9-da Sankt-Peterburqda baş tutacaq görüş zamanı prezidentlər iki ölkə arasındakı münasibətləri müzakirə edəcək.
“Mən avqustun 9-da Sankt-Peterburqda prezident Putinlə görüşəcəm. Onunla ikitərəfli iqtisadi münasibətlərdə yaranmış böhranı müzakirə etməklə yanaşı, Türkiyənin böyük həssaslıq nümayiş etdirdiyi təyyarə böhranından da söz açacam”.
Xatırladaq ki, 2015-ci il noyabrın 24-də Suriya sərhəddində Rusiyaya məxsus SU-25 təyyarəsinin vurulmasından sonra iki ölkə arasında münasibətlər kəskin pisləşmişdi.
Vüqar İSMAYILOV
