Gürcüstan polisi 41 yaşlı ABŞ vətəndaşının qətlində şübhəli bilinən şəxsi saxlayıb.
Modern.az Gürcüstan KİV-nə istinadən xəbər verir ki, 20 yaşlı şübhəli ABŞ vətəndaşına bıçaqla hücum çəkib və ona bir neçə zərbə endirib. Nəticədə amerikalı yerində keçinib.
Hüquq-mühafizə orqanlarının əməkdaşları isti izlərlə hadisədən bir neçə saat sonra cinayətkarı saxlayıb.
Hazırda Gürcüstan Cinayət Məcəlləsinin 108-ci maddəsi (qəsdən adam öldürmə) üzrə istintaq tədbirləri həyata keçirilir.
Modern.az
