Ərəb və kürd müxalif silahlı qruplarının “Suriyanın demokratik qüvvələri” koalisiyası İraq-Şam İslam Dövləti (İŞİD) terror qruplaşmasının yaraqlılarının dinc sakinlərdən qalxan kimi istifadəsini əks etdirən fotolar yayıb. Modern.az xarici mediaya istinadən xəbər verir ki, üsyançılar bu kadrların Manbica şəhərinin İŞİD-dən təmizlənməsindən sonra terrorçuların geri çəkilməsi zamanı çəkildiyini bildiriblər.
O zaman yaraqlıların canlı qalxan kimi 2 min dinc sakindən istifadə etdikləri haqda xəbər yayılmışdı. Onlar növbəti gün azad ediliblər.
Elə həmin məlumatda qeyd edilirdi ki, Manbica sakinləri şəhərin İŞİD-dən azad olunması münasibətilə küçələrə axışıblar. Kişilər radikal islamçıların tələbi ilə saxladiqları saqqallarını qırxıblar, qadınlar isə müsəlman paltarlarını yandıraraq siqaret çəkiblər.
Modern.az
