Türkmənistanda prezident seçilmək üçün nəzərdə tutulan yaş senzi ləğvinə aid qərar qəbul edilib.
Modern.az-ın Rusiya KİV-nə istinadən verdiyi xəbərə görə, bu, Türkmənistan parlamentinin qəbul etdiyi yeni Konstitusiyada əksini tapıb.
Həmçinin ölkədə prezidentlik müddəti 5 ildən 7 ilə qaldırılıb.
Parlament yeni Konstitusiyanı sentyabrın 13-də yekdilliklə qəbul edib. Prezident Qurbanqulu Berdımuhəmmədov dərhal qanunu imzalayıb və sənəd qüvvəyə minib.
2008-ci ildə qəbul edilmiş köhnə Konstitusiyaya görə, Türkmənistanda doğulmuş, bu ölkənin vətəndaşı olan, yaşı 40-dan 70-ə qədər şəxslər prezident seçilə bilərdi.
Artıq "yaşı 70-dən yuxarı olmayan" tələbi qanundan çıxarılıb.
Ağa AKİFOĞLU
