Səudiyyə Ərəbistanı hakimiyyəti kral ailəsinin üzvü şahzadə Turki ben Saud Əl Kebira barəsində çıxarılan ölüm hökmünü icra edib.
Modern.az xarici mediaya istinadən xəbər verir ki, o, 3 il əvvəl Ər-Riyadda dostunu öldürməkdə təqsirkar bilinib.
İstintaq müəyyən edib ki, şahzadə Ər-Riyaddakı çadır düşərgəsindəki davada dostu Adilyaal-Mhemidi güllələyərək öldürüb, bir nəfəri isə yaralayıb.
Şahzadənin törətdiyi bu cinayət krallıqda böyük rezonansa səbəb olub.
Kral ailəsinin nümayəndəsinin edamı bu ərəb monarxiyası tarixində ilk faktdır.
Modern.az
