Fevral ayının 23-ü və 24-də deputat Novruz Aslanov (Novruz Aslan) seçiciləriylə görüşmək üçün yenə İsmayıllı rayonunda olub. Deputat fevralın 23-də İsmayıllı rayon İcra Hakimiyyətinin 2010-cu ilin yekunlarına dair hesabat yığıncağında iştirak edib, 24-də seçiciləri ilə növbəti görüşünü rayon mərkəzində yerləşən ofisində keçirib.
Hesabat yığıncağında İsmayıllı rayon İcra Hakimiyyətinin başçısı Nizami Ələkbərov məruzəsində bildirib ki, 2010-cu ildə rayonun infrastrukturunun yenilənməsində kifəyət qədər işlər görülüb, bir çox kəndlər təbii qaz və su ilə təchiz edilib, elektrik enerjisinin davamlı verilməsi üçün müvafiq işlər görülmüş və digər məsələlər də həll edilib. Yerli hökumət strukturlarının da nümayəndələri çıxış edərək rayonda müxtəlif sahələrdə həyata keçirilən tədbirlərdən danışıblar.
Milli Məclisin deputatı N.Aslanov öz çıxışında regionların sosial-iqtisadi inkişafı Dövlət Proqramının yerlərdə icrasının uğurla aparılmasından söhbət açıb və vətəndaşların rifah halının yaxşılaşdırılması üçün qanunvericilik aktlarına müvafiq əlavə və dəyişikliklərin edilməsi tədbirləri barədə məlumat verib. Hesabat dövrü ərzində rayon sakinləri tərəfindən ünvanına daxil olmuş ərizələrdə qaldırılmış məsələlərin 70%-dən çoxunun icra edildiyini yığıncaq iştirakçılarına bildirərək, bundan sonra da hər bir məsələyə diqqətlə yanaşaraq lazımi addımların atılacağını nəzərə çatdırıb.
Fevralın 24-də görüşə gələnləri şəxsən qəbul edən N. Aslanov hər bir sakinin müraciətinə diqqətlə yanaşaraq qaldırılan məsələlərin həlli istiqamətində müvafiq addımlar atıb. Müraciətlər əsasən müalicə, müayinə, torpaq islahatı barədə, maddi və digər yardımlar ilə bağlı olub. Bir çox məsələlər yerindəcə həlli edilib, digər məsələlər araşdırılaraq həlli istiqamətində müvafiq strukturlara müraciətlərin edilməsi nəzərdə tutulub. Ümumilikdə 50-yə yaxın sakin qəbul edilib.
Deputat qərargahından millət vəkilinə ünvanlanan bəzi müraciətləri barədə məlumat verilib:
1. İsayeva Şuşaxanım-Balik kəndi,qardaşının müalicəsinə köməklik;
2. Yuxarı Zərnava kənd sakinləri-transformatorun yenisi ilə dəyişdirilməsi;
3. Əsgərova Dürdanə-Balik kəndi, övladının müalicəsinə köməklik;
4. Əliyeva Müşviqə-İsmayıllı şəhəri, gözünün müalicəsinə köməklik;
5. Hüseynova Nailə-İsmayıllı şəhəri, nəvəsinin müalicəsinə köməklik;
6. Əliyeva Səbirə-Gülyan kəndi, maddi yardım-yardım edildi;
7. Cəlladov Cəllad-Sumağallı kəndi, övladlığa uşaq götürmək istəyir;
8. Əliyev Bəhlul- İsmayıllı şəhəri, maddi yardım;
9. Həsənov Amil-Buynuz kəndi, övladının müalicəsinə köməklik;
10. Musayev Şahin-Soltankənd, işlə təminat;
11. Əsədov Tərxan-Aşağıbaş kəndi, evinə təbii qazın çəkilişinə köməklik;
12. Əhmədova Kəmalə-İsmayıllı şəhəri,təşəkkürünü bildirib;
13. Qəzənfərov Vidadi- İsmayıllı şəhəri, maddi yardım;
14. Mirzəyev İmran-Hacıhətəmli kəndi, sanatoriyada müalicəyə köməklik;
15. Əsədova Məhbubə- İsmayıllı şəhəri, ərzaq yardımı-yardım edildi;
16. İskəndərov Ayət -Quşencə kəndi, Türkiyədə qızının əməliyyat olunmasına köməklik;
17. Babayev İlham-Talıstan kəndi, torpaq sahəsi barədə;
18. Əliyev Xəyyam-Tircan kəndi, torpaq sahəsi barədə;
19. Məmmədov Rəfail- İsmayıllı şəhəri, məhkəmə qərarının icrası barədə;
20. İsmayılov Nazim- İsmayıllı şəhəri, işlə təmin olunması barədə;
21. Salmanov Sərdar-İvanovka kəndi, evinin təmirinə köməklik barədə
| |
| |
|
|
|
|
|
|
|
|
|
|
|
|
|
|
|
|
|
|
