Əmanətlərin Sığortalanması Fondu (ADİF) lisenziyası ləğv edilən 10 kommersiya bankının qorunan əmanətçilərinə kompensasiya ödənişini davam etdirir.
Fonddan Modern.az-a verilən məlumata görə, ümumilikdə 10 bank üzrə 643 milyon 133 min manatdan artıq kompensasiya ödənilib.
Belə ki, “Parabank” ASC-nin qorunan əmanətçilərinə 41 milyon 745 min manat, “Zaminbank” ASC-nin qorunan əmanətçilərinə 51 milyon 043 min manat, “Kredobank” ASC-nin qorunan əmanətçilərinə 26 milyon 136 min manat və “Dekabank” ASC-nin qorunan əmanətçilərinə isə 2 milyon 887 min manatdan artıq kompensasiya ödənişi həyata keçirilib.
4 bank üzrə ümumilikdə kompensasiya məbləği 121 miyon 811 min manatdan artıq təşkil edib.
“Atrabank” ASC-nin qorunan əmanətçilərinə 14 milyon 170 min manat, “Qafqaz İnkişaf Bankı” ASC-nin qorunan əmanətçilərinə 1 milyon 880 min manatdan artıq kompensasiya ödənilib.
2 bank üzrə ümumilikdə kompensasiya məbləği 16 milyon manatdan artıq olub.
Məlumatda bildirilib ki, “Bank of Azerbaijan” ASC-nin qorunan əmanətçilərinə 24 milyon 117 min, “Gəncəbank” ASC-nin qorunan əmanətçilərinə 969 min manat, “Texnikabank” ASC-nin qorunan əmanətçilərinə isə 120 milyon manatdan artıq kompensasiya ödənilib. Həmçinin, 3 bank üzrə kompensasiya məbləği ümumilikdə 145 milyon manatdan artıq olub.
“Bank Standard” KB-nin qorunan əmanətçilərinə isə 360 milyon 322 min manat kompensasiya ödənilib.
Gülşən RAUFQIZI
