Gəncə-Şəmkir yolunda baş verən ağır yol qəzasında ölən hər üç şəxsin adı məlum olub. Modern.az saytı xəbər verir ki, həmin şəxslərdən biri "VAZ-2106"nın sərnişini, 1960-cı il təvəllüdlü Hüseynov Rafiq İmran oğludur.
Qəza zamanı ölən 3-cü şəxs isə 1992-ci il təvəllüdlü Gədəbəy rayon sakini Nicat Ələkbərovdur.
22:20
Gəncə-Şəmkir yolundа iki minik avtomobilinin toqquşması nəticəsində ölənlərin sayı 3 nəfərə çatıb. Modern.az saytı xəbər verir ki, APA-nın məlumatına görə, xəsarət alanlardan biri, 1985-ci il təvəllüdlü Vüsal Əhmədov xəstəxanada keçinib. Ölən digər iki nəfərin şəxsiyyəti müəyyənləşdirilir.
Qeyd edək ki, Gəncədə “VAZ 2106” və “Mercedes” markalı avtomobillər toqquşub.
Xəsarət alanlar "Mercedes"-də olan Şəmkir rayon Seyfəli kənd sakinləri, 1987-ci il təvəllüdlü Rəşad Namazov, 1992-ci il təvəllüdlü Ricat Qafarov, 1989-cu il təvəllüdlü Pərviz Mahmudov, 1985-ci il təvəllüdlü Vüsal Əhmədov və 1987-ci il təvəllüdlü Nicat Zeynalovdur. Ölənlərin şəxsiyyəti müəyyənləşdirilir.
Faktla bağlı hüquq mühafizə orqanları tərəfindən araşdırma aparılır.
Modern.az
