"İslam dövləti" (İŞİD) terror qruplaşmasının ələ keçirdiyi Mosulda yaraqlıların lideri Əbu Bəkr əl-Baqdadinin şəhəri əldə saxlamaqla bağlı çağırışından sonra güclü partlayışlar qeydə alınıb.
Modern.az-ın xarici mediaya istinadən verdiyi xəbərə görə, İraq ordusunun terrorçulardan təmizlədiyi Mosulun şərq hissəsinin sakinlərindən biri deyib ki, partlayışlara səbəb İŞİD-in mövqelərindən atılan onlarla raket olub.
“Biz İŞİD üzvlərinin bərkdən “Allahu Əkbər” qəşqırdıqlarını, sonra raket partlayışlarının səsini eşitdik”, - deyib.
Onun bildirdiyinə görə, əl-Baqdadinin çıxışından sonra yaraqlılar ruhlanıblar.
“Onlar küçələrdə üzlərini bağlamadan gəzməyə başlayıblar və deyirlər ki, şəhəri son ana qədər müdafiə edəcəklər”, - həmin sakin bildirib.
Modern.az
