Birləşmiş Millətlər Təşkilatının Malidəki missiyasına silahlı hücum olub. Modern.az saytı xarici mediaya istinadən xəbər verir ki, insident ölkənin mərkəzindəki Mopti regionunda baş verib.
Məlumata görə, insident nəticəsində 2 dinc sakin və 1 BMT sülhməramlısı həlak olub. Daha 7 əsgər isə yaralanıb.
Qeyd edək ki, BMT Təhlükəsizlik Şurasının qərarı ilə Malidə 11,2 min hərbçi və 1,44 min polis yerləşdirilib. Həmçinin ölkədə Fransa ordusunun 4 minlik kontingenti də yer alır.
Modern.az
