Milli Məclisin növbəti iclası martın 4-də keçiriləcək. Bu barədə Modern.az-a Milli Məclisdən məlumat verilib. İclasda İnsan haqları izrə müvəkkil Elmira Süleymanovanın hesabatı dinləniləcək.
Bundan başqa, parlament bir sıra sazişləri təsdiq edəcək. Millət vəkilləri əməliyyat-axtarış tədbirlərində, yol hərəkəti qaydalarında təklif edilən dəyişiklikləri müzakirə edəcək. Bununla yanaşı, Milli Məclis gömrük tariflərində dəyişikliklərlə bağlı məsələni də müzakirəyə çıxaracaq. Ümumilikdə martın 4-dəki iclasın gündəliyinə 10 məsələ daxildir. Modern.az
