Adana valiliyinin inzibati binasının qarşısında partlayış baş verib.
Bu barədə Modern.az Türkiyə KİV-nə istinadla xəbər verir. Məlumata görə, hadisə nəticəsində 6 nəfər yaralanıb.
Partlayışın binanın avtomobil parkında qeydə alındığı bildirilir. Avtomobillərdən birinin partlaması nəticəsində bina və ətrafdakı maşınlar da zərər görüb.
Ərazidə təhlükəsizlik tədbirləri gücləndirilib.
Adana valisi Mahmud Demirtaş bildirib ki, hadisə nəticəsində 2 nəfər ölüb, 16 nəfər isə yaralanıb.
Modern.az
