Məhərovun cinayət işi üzrə məhkəmə prosesi keçirilib.

"Qafqazinfo"nun prosesdə iştirak edən əməkdaşının verdiyi xəbərə görə, hakim Əlövsət Abbasovun sədrliyi ilə keçirilən prosesdə müdafiə çıxışı olub.

 

E.Məhərovun vəkili Vüsal Orucov çıxış edərək müdafiə etdiyi şəxsin saxlanılması üçün hüquq mühafizə orqanlarının həyata keçdiyi əməliyyat tədbiri üzrə cinayət içi açılmayıb: "İstintaq gördü ki, bu işlə bağlı ittiham verə bilmir, 1-2 dərmanın qeydiyyata alınmaması ittihamını verdilər. "Nurafen" dərmanı ekspertizadan keçirilib, saxta deyil. Sadəcə seriya nömrəsi qeydiyyata alınmayıb, bunu da qanun qadağan etmir. Həmçinin, dərman daxili istehsal deyil, xaricdən gətirilib və gömrükdə qanuniliyi yoxlanılıb. Digər dərmanları isə "Avis"yox, "Avromed" firması gətirib. Məhkəmə zamanı keçirilən ekspertiza zamanı da istintaqın müəyyən etdiyi məbləğin şişirdildiyi aydın oldu. Müdafiə etdiyim şəxs barəsində bəraət hökmü verilməsini istəyirəm".

E.Məhərov son söz deyərək vəkilinin çıxışı ilə razılaşdığını deyib.

Məhkəmə kollegiyası hökm oxumaq üçün müşavirəyə gedib. Müşavirədən qayıdab hakimlər hökmü elan ediblər.

Məhkəmə kollegiyasının hökmü ilə E.Məhərov 3 il şərti cəza alıb və məhkəmə zalından azadlığa buraxılıb.

 

Xatırladaq ki, ötən icladda d övlət ittihamçısı çıxış edərək E.Məhərovun 10 il müddətinə azadlıqdan məhrum edilməsini istəyib.

Qeyd edək ki, E.Məhərrəmov rəhbəri olduğu "Maymed" şirkətinin nəzdində fəaliyyət göstərən "Avis" apteklərində dərmanların qiymətinin süni formada artırılması ilə bağlı təqsirləndirilir.