Amerikanın “Time” jurnalının hər il seçdiyi “Person of the year” (İlin adamı) nominasiyasına namizədlərin adları bəlli olub .
Modern.az xəbər verir ki, siyahının ilk pilləsində ABŞ-ın yeni prezidenti Donald Tramp qərarlaşıb.
İkinci sırada isə “Wikileaks” saytının qurucusu Culian Assanc yerləşir. Putin isə siyahının 3-cü sırasında yer alıb.
Həmçinin siyahıda Türkiyə prezidenti Rəcəb Tayyib Ərdoğan, İngiltərənin baş naziri Teresa May və Hillari Klintonun adı var.
Qeyd edək ki, “Time” jurnalı ənənəvi olaraq özünün hər il sonuncu dekabr nömrəsində “İlin adamı”nı elan edir. “İlin adamı” nominasiyası 1927-ci ildən verilir. Jurnal 2007-ci ildə Vladimir Putini “İlin adamı” seçib.
Mirmahmud KAZIMOĞLU
