“Azərbaycanda İİV-ə yoluxma halları arasında 4 əsas risk qrupu var. Bunlar məhbuslar, homoseksuallar, seks biznes işçiləri, inyeksiyon yollarla yoluxanlardır”.
Modern.az xəbər verir ki, bu sözləri Respublika QİÇS-lə Mübarizə Mərkəzinin monitorinq və qiymətləndirmə şöbəsinin müdiri Natiq Zülfüqarov deyib.
Şöbə müdirinin sözlərinə görə, ötən il bu 4 risk qrupu arasında monitorinq keçirilib:
“Monitorinq nəticəsində onların arasında QİÇS-ə yoluxma halının azaldığı müşahidə edilib”.
N.Zülfüqarov deyib ki, uşaqlar risk qrupundna çıxarılıb:
“2011-ci ilə qədər QİÇS-ə yoluxma ilə bağlı küçə uşaqları risk qrupuna daxil idi. Lakin biz küçə uşaqları arasında kəşfiyyat epidomoliji nəzarət tədbiri həyata keçirdik. Onlar arasında HİİV-ə yoluxma halı müəyyən edilməyib. Ona görə də bis küçə uşaqlarını risk qrupundan çıxarılıb”.
Gülşən RAUFQIZI
