“Ukraynanın şərqində münaqişə ərzində 9 700-dən çox insan həlak olub, 22 700-dən çox insan isə yaralanıb”. Modern.az saytı xəbər verir ki, bu barədə "Report" Ukraynada insan hüquqlarına dair BMT-nin Monitorinq Missiyasının növbəti rüblük hesabatına istinadən məlumat yayıb.
Sənəddə qeyd olunur ki, 2014-cü il aprelin ortalarından 2016-cı il dekabrın 1-dək ölənlərin sayı 9 758, yaralıların sayı isə 22 779 nəfər təşkil edib.
Bildirilir ki, bura Ukrayna Silahlı Qüvvələrinin, mülki vətəndaş və silahlı qruplaşma üzvlərinin itkiləri daxildir. Həlak olanların 2 000-dən çoxu mülki vətəndaşlardır. Bura həmçinin Donbassda qəzaya uğramış "Boeing"də olan 298 sərnişin və ekipaj üzvləri də daxildir.
Ümumiyyətlə, münaqişə zamanı yaralanan mülki vətəndaşların sayı isə 7 min nəfərə yaxındır.
Modern.az
