Dekabrın 15-də əlverişsiz hava şəraiti və sürücülərin diqqətsizliyi səbəbindən Bakıda 13 yol-nəqliyyat hadisəsi baş verib.
Bu haqda Modern.az-a Bakı Şəhər Baş Polis İdarəsinin Dövlət Yol Polisi İdarəsinin (BŞBPİ DYP) İctimaiyyətlə əlaqələr şöbəsinin rəisi, polis polkovniki Vaqif Əsədov məlumat verib.
V.Əsədov yol-nəqliyyat hadisələri zamanı 7 nəfərin xəsarət aldığını bildirib:
"Hadisələr maddi ziyanla nəticələnib, xoşbəxtlikdən ölən olmayıb”.
Polis polkovnikinin sözlərinə görə, qəzalar əsasən, sürücülərin yol və meteoroloji şəraiti nəzərə almaması səbəindən qeydə alınıb.
Gülşən RAUFQIZI
