Bakıda yeni inşa edilən binada ölüm faktı qeydə alınıb.
Daxili İşlər Nazirliyindən “Qafqazinfo”ya verilən məlumata görə, hadisə Səbail rayonunda baş verib. Dekabrın 16-da Bakı şəhər sakini Rafiq Allahverdiyev Səbail rayonu ərazisindəki fəhlə işlədiyi yeni inşa edilən ticarət mərkəzinin 7-ci mərtəbəsindən ehtiyatsızlıqdan yıxılaraq ölüb. Araşdırma aparılır.
Paytaxtda ölümlə nəticələnən daha bir bədbəxt hadisə baş verib. Hadisə Nərimanov rayonunda qeydə alınıb.
Dekabrın 16-da Nərimanov rayonu ərazisində yaşayan Orxan Həsənov 20 mərtəbəli binanın 16-cı mərtəbəsində yerləşən evinin eyvanında siqaret çəkərkən ehtiyatsızlığı nəticəsində oradan yıxılaraq ölüb. Araşdırma aparılır.
Modern.az
