Türkiyə Silahlı Qüvvələri “Fərat Qalxanı” əməliyyatı çərçivəsində terrorçulara növbəti zərbə endirib. Modern.az saytı Türkiyə mediasına istinadən xəbər verir ki, bu barədə Türkiyə Silahlı Qüvvələri Baş Komandanlığı məlumat yayıb.
Məlumata görə, həyata keçirilən hava əməliyyatı zamanı Suriyanın Əl- Bab bölgəsində İŞİD terror qruplaşmasının qərargahı məhv edilib. Hava zərbəsi nəticəsində 18 terrorçu zərərsizləşdirilib.
Qeyd edilən hava əməliyyatından sonra İŞİD üzvlərinin böyük itki verməsi, çox sayda ölü və yaralının olması terrorçuların özləri tərəfindən də aralarındakı rabitə bağlantısı zamanı etiraf edilib.
Modern.az
