“Azərbaycanda sürüşmə sahələrində monitorinq işləri davam etdirilir. Monitorinqlərin nəticəsinə əsasən, respublikada mühüm sürüşmə sahələrində aktivlik müşahidə olunur”. Modern.az saytı xəbər verir ki, bu barədə APA-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidməti Geoloji Planlama Ekspedisiyasının ekzogen geoloji proseslərin öyrənilməsi partiyasının rəisi Sadiq Əmiraslanov bildirib.
S. Əmiraslanov sürüşmə sahələrinin aktivləşməsinə meteoroloji amillərin səbəb olduğunu qeyd edib: “Biz hazırda Şamaxıda sürüşmə sahələrində müşahidələr aparırıq. Sabah cənub bölgəsindəki sürüşmə sahələrinə baxış keçiriləcək. Ayın sonunda isə respublika üzrə mühüm sürüşmə sahələrindəki vəziyyətlə bağlı geniş bülleten hazırlanacaq”.
Modern.az
