Bakı - Ələt yolunun 43-ci kilometrliyindəki magistral qaz xəttində partlayış baş verib. Bu haqda Modern.az-a Fövqəladə Hallar Nazirliyinin mətbuat xidmətinin rəhbəri Oktay Bayramov məlumat verib.
Onun sözlərinə görə, hadisə yerinə Qaradağ rayon Yanğından Mühafizə Xidmətinin əməkdaşları cəlb olunub:
“4-5 yanğınsöndürən maşın hadisə yerindədir. Böhran Xidmətindən aldığım ilkin məlumata görə, ərazidə yaşayış binası olmadığına görə xəsarət alan olmayıb”.
O.Bayramov deyib ki, dəqiqləşmə aparıldıqdan sonra əlavə məlumat veriləcək.
Partlayışla bağlı ilk xəbəri unikal.org yayıb.
Gülşən RAUFQIZI
