25 dekabr 2016-cı il tarixdə Binə Atçılıq Mərkəzi ərazisində yerləşən “Elite Events Hall”-da Azərbaycan Respublikası Atçılıq Federasiyasının yaranmasının 20 illiyinə həsr olunmuş tədbir keçirilib.
Modern.az xəbər verir ki, tədbirdə Atçılıq Federasiyasının rəsmiləri, Atçılıq idman növləri üzrə idmançılar, məşqçilər, Milli Olimpiya Komitəsinin vitse-prezidenti Çingiz Hüseynzadə, Mədəniyyət və Turizm naziri Əbülfəz Qarayev, Gənclər və İdman naziri Azad Rəhimov, Azərbaycan Gimnastika Federasiyasının vitse-prezidenti Altay Həsənov, eləcə də, KİV nümayəndələri iştirak edib.
Azərbaycan Atçılıq Federasiyasının 20 illik inkişafından bəhs edən sənədli film nümayiş olunub. Ardınca tədbir iştirakçılarını salamlayan Federasiya prezidenti Elçin Quliyev bu illər ərzində əldə olunan nailiyyətlər və Azərbaycan atçılığın inkişafına dair məlumat verib. Rəsmi çıxışdan sonra mükafatlandırılma mərasimi keçirilib. Əvvəlcə 20 il ərzində federasiyanın inkişafına verdikləri əvəzsiz dəstəyə görə cənab İsa Nəcəfov, Mahir Muradov və Bəsirət Quliyev xüsusi hədiyyə ilə təltif olunublar. Mərasimdə il ərzində əldə olunan yüksək nailiyyətlərlə əlaqədar federasiyanın idmançılarına, məşqçilərə, hakimlərə və digər mütəxəssislərə fəxri diplomlar, habelə mükafatlar təqdim olunub.
- Ramazanov Rafiq Xəlil oğlu – (2016-ci il ərzində keçirilən yarışları ədalətli və qərəzsiz idarə etdiyinə və il ərzində bir sıra yarışlarda dürüst hakimlik etdiyinə görə) fəxri fərman ilə;
- Məlikov Əbülfəz Ağarəhim oğlu – (2016-cı ildə keçirilmiş Atçılıq tədbirlərinin təşkil olunmasında göstərdiyi dəstəyə və səylərə görə) fəxri fərman ilə;
- Mustafayeva Aytən Eyyub qızı – (2016-cı il ərzində Süvarilər dəstəsinin tərkibində Azərbaycan Atçılığını layiqincə təmsil etdiyinə görə) fəxri fərman ilə;
- Cabarova Gülnaz Şurullah qızı – (2016-cı il ərzində Süvarilər dəstəsinin tərkibində Azərbaycan Atçılığını layiqincə təmsil etdiyinə görə) fəxri fərman ilə;
- İlin jokeyi – Məmmədov Habil Telman oğlu – (2016-cı ilin cıdır mövsümü ərzində keçirilən cıdır yarışlarında əldə etdiyi nailiyyətlərə və topladığı reytinq xallarına görə) fəxri fərman ilə;
- Cıdır üzrə ilin məşqçisi – İbrahimov Ramiz Məmməd oğlu – (2016-cı il cıdır mövsümü ərzində keçirilən cıdır yarışlarında əldə etdiyi nailiyyətlərə görə) fəxri fərman ilə;
- Cıdır üzrə ilin at sahibi – Əhmədov Rəşad Subar oğlu – (2016-cı il ərzində yerli cins atların yetişdirilməsi və yarışlara çıxarılmasında göstərdiyi fərdi səylərə görə) fəxri fərman ilə;
- Cıdır üzrə ilin klubu – Arzu Atçılıq Klubu – (2016-cı il cıdır mövsümü ərzində keçirilən cıdır yarışlarında əldə etdiyi nailiyyətlərə görə) fəxri fərman ilə;
- İlin idmançısı – Səmədov Rəşad Oruc oğlu – (2016-cı il ərzində yüksək səviyyəli beynəlxalq yarışlarda əldə etdiyi nailiyyətlərə görə) fərxri fərman ilə;
- Konkur üzrə ilin məşqçisi – Səmədov Oruc İslam oğlu – (2016-cı il ərzində yüksək səviyyəli beynəlxalq yarışlarda əldə etdiyi nailiyyətlərə görə) fəxri fərman ilə;
- Konkur üzrə ilin klubu – Elite Horse and Polo Klubu – (2016-cı il ərzində ölkə daxilində təşkil olunan yerli və beynəlxalq yarışlarda əldə etdiyi nailiyyətlərə görə) fəxri fərman ilə;
- İlin İdman kanalı – CBC Sport TV(2016-cı il ərzində ölkə daxilində təşkil olunan atçılıq tədbirlərinin işıqlandırılmasında göstərdiyi səylərə görə) fəxri fərman ilə
Təltif olunmuşlar.
Mükafatlandırma mərasimindən sonra “ Ukraynanın səsi” yarışmasının finalçısı Vaqif Nağıyevin “ Ümid yağışı” adlı solo konserti baş tutub.
Namidə Bingöl
