İstanbulda qarlı və şaxtalı hava şəraiti sabah da davam edəcək. Modern.az saytı Türkiyə mediasına istinadən xəbər verir ki, Türkiyə Meteorologiya Baş İdarəsi İstanbulda yağan qarın günorta saatlarından sonra intensivləşəcəyini, gecə saatlarına qədər davam edəcəyini açıqlayıb.
Məlumata görə, hazırda İstanbulun müxtəlif yerlərində qarın qalınlığı 10 sm-dən 1 m 22 sm-ə qədər dəyişir. İstanbulun Qartal rayonunda qar örtüyünün qalınlığı 10-15 sm, Çatalca-Subaşında isə 1 m 22 sm-dir. Gecə saatlarına qədər əlavə olaraq 10-15 sm hündürlükdə qarın düşməsi proqnozlaşdırılır.
Qarlı, şaxtalı və fırtınalı hava şəraiti ilə əlaqədar sabah İstanbul, Çanaqqala, Balıkəsir və Yalovada məktəblərdə tətil elan olunub.
Modern.az
