Bu gün Milli Məclisin növbəti iclası kecirilir. İclasın gündəliyində olan məsələlərdən birincisi İctimai Televiziya və Radio Yayımları Şurasının tərkibinin dəyişməsi olub. Modern.az parlamentdən xəbər verir ki,
İctimai Televiziya və Radio Yayımları Şurasının tərkibinin dəyişməsi məsələsinin müzakirəsində ilk olaraq Milli Məclisin sədri Oqtay Əsədov çıxış edib.
Daha sonra millət vəkili Nizami Cəfərov bildirib ki, İTV qısa müddət ərzində öz yerini tuta bilən bir televiziyaya çevrilib. “Bu televiziya zəngin proqramlarla, zəngin potensialla bütün dünyanı və xüsüsən də türk dunyası ilə əlaqəli bir televiziya olub. Mən hesab edirəm ki, İTV-nin inkşafı hələ qabaqdadı ona uğurlar arzulayıram”.
Millət vəkili Fazil Müstafa bildirib ki, “İTV-nin rolu artıb, evlənmək boşanmaq məsələsindən uzaq bir televiziya olduğu üçün mən də onunla bağlı müsbət mövqeydəyəm. Kadr siyasəti sahəsilə bağlı da İTV-də irəliləyişlər var”.
Millət vəkili Qənirə Paşayeva bildirib ki, o jurnalistdi və ona görə məsələyə münasibət bildirməlidir. Q. Paşayeva qeyd edib ki, İTV yaxşı və böyük uğurlar əldə edib, Azərbaycan dövlətinin xüsusiyyətlərinin, xalqın milli mədəniyyətinin qorunmasının, tarixin gələcək nəsilə çatdırılmasında, vətənpərvərlik, qanunvericilik, sosial məsələlərlə bağlı böyük maarifləndirmə işi aparıb.
Xanım deputat İTV-yə öz dərin təşəkkürünü bildirib. Q.Paşayevə onu da vurğulayıb ki, İTV-dən fərqli olaraq digər televiziyaları xoşagəlməz hadisələr, şou-biznes işğal edib.
İctimai Televiziya və Radio Yayımları Şurasının üzvlüyünə Həmkarlar İttifaqı Konfederasiyadan Aqil Dadaşov, AMEA-dan Muxtar İmanov, Mətbuat Şurasından isə Cahangir Məmmədlinin namizədliyi təsdiqlənib.
Əvvəlki üzvlərin 6 illik səlahiyyət müddəti 2011-ci ilin martın 15-də başa çatıb.
Modern.az
