Milli Məclisin bu günkü iclasında “Əmək pensiyaları haqqında” qanuna əlavə və dəyişikliklər məsələsinin müzakirəsində millət vəkili Siyavuş Novruzov çıxış edib.
O bildirib ki, deputatlarının mənzil məsələsi ilə bağlı problemlər var. “Elə deputatlar var ki, rayonda yaşayırlar, amma iclaslarda burada iştirak edirlər. Onların Bakıda evləri yoxdur. Hətta məndə məlumat var ki, onların müəyyən hissəsi kirayədə yaşayırlar. Ona görə, təklif edirəm ki, onlar bir müddətlik də olsa, mənzillə təmin olunsunlar.
Bundan başqa “Deputat statusu haqqında” qanun var. Qanunda göstərilir ki, əgər millət vəkili növbəti seçkilərdə mandat qazanmırsa, sonrakı bir il müddətində deputata verilən məvacib qədər məvacib alır. Hesab edirəm ki, bu bir ili niyə uzatmalıyıq. O bir il ərazində açıqca görsün ki, nə iş görə bilər, nə iş tapa bilər”.
S.Novruzov Milli Məclisin komitə rəhbərinə müraciət edib ki, “Deputat statusu haqqında” qanun parlamentin növbəti iclasında müzakirəyə çıxarılsın.
Modern.az
