Braziliyada həbsxanada yenidən toqquşma olub. Modern.az saytı xarici mediaya istinadən xəbər verir ki, hadisə Braziliyanın Natal şəhərindəki həbsxanada qeydə alınıb. Belə ki, məhbusların bölündüyü iki qrup arasında baş verən qarşıdurmanı sakitləşdirmək üçün rezin güllələrdən istifadə edilib.
Qeyd edək ki, bir neçə gün əvvəl həmin həbsxanada baş verən qiyamda 30-a qədər dustaq ölmüşdü. Natal həbsxanasında hazırda 1100 dustaq cəza çəkir. Yanvar ayı başlayandan ölkənin müxtəlif həbsxanalarında baş verən toqquşmalarda 100-dən çox məhbus həyatını itirib.
Modern.az
