93 yaşlı Gövhər Əhmədova gəlini tərəfindən zorakılığa məruz qalaraq küçəyə atıldığını deyir. Modern.az saytı xəbər verir ki, “Xəzər xəbər”in məlumatına görə, gəlini onu hər gün döyüb, zülm verirmiş.
Gövhər Əhmədovanın sözlərinə görə, oğlu rəhmətə gedəndən sonra gəlininin himayəsində qalan qadının elə qara günləri də bundan sonra başlayıb.
Gövhər Əhmədova həmçinin bildirir ki, gəlini ona yemək belə verməyib. Pensiya almağına baxmayaraq, ona pensiyanın hec üzünü də göstərmir.
Hətta qoca qadının iddialarına görə, özünün Gəncədə evi olub. O evi də gəlini və nəvəsi əlindən alaraq satıb. Onu da belə küçələrdə qoyublar.
Hazırda yaşlı qadın qonşuluqda bir evdə qalır. Amma qaldığı evin sahibəsi də artıq ona baxa bilmədiyini deyir.
Yaşlı qadının gəlini isə qayınanasının dediklərini təkzib etdi. Onun sözlərinə görə, qayınanasına həmişə yaxşı baxıb və ona qarşı hər hansı bir neqativ addım atılmayıb.
Gülnarə Əhmədovanın sözlərinə görə, qayınanasının problemləri olduğu üçün dediklərini qavramır. Hətta evdən getdiyinə dair polisə də müraciət edblər ki, onu evə qaytarsınlar.
Modern.az
