Bakı İstintaq təcridxanasına qadağan olunmuş əşyaların keçirilməsinin qarşısı alınıb. Ədliyyə Nazirliyinin ictimaiyyətlə əlaqələr şöbəsindən Modern.az saytına verilən məlumata görə, faktın üstü Penitensiar xidmətin Baş idarəsinin və Bakı İstintaq təcridxanasının əməkdaşları tərəfindən həyata keçirilmiş əməliyyat-axtarış tədbirləri nəticəsində açılıb. Belə ki, müəssisəyə qadağan olunmuş əşyaların keçirilməsi cəhdinin qarşısı alınıb. Cinayət Məcəlləsinin 120.2.2; 120.2.2 və 221.3-cü maddələrinə əsasən təqsirli bilinərək həbs edilən şəxs Ağayev Arif Abdulla oğluna Bakı şəhəri Xəzər rayonu Binə qəsəbə sakini Əliyev Nizami Kəriməli oğlu tərəfindən gətirilən sovqata baxış keçirilən zaman sovqatda olan tortun altında sellofana bükülərək xüsusi üsulla gizlədilmiş, daxilində “Sim” danışıq kartı olan bir ədəd “Samsung A5” və daxilində “Sim”danışıq kartı olan bir ədəd “Samsung A3” markalı mobil telefon aparatları aşkar edilərək götürülüb.
Fakt üzrə toplanılan materiallar hüquqi qiymət verilməsi üçün Ədliyyə Nazirliyinin İstintaq İdarəsinə göndərilib.
Modern.az
