İraqın baş naziri Hayder əl-Abadi İraq-Şam İslam Dövləti (İŞİD) terror qruplaşmasının lideri Əbu Bəkr əl-Baqdadinin gizləndiyi yerin müəyyənləşdirildiyini bəyan edib.
Modern.az xarici mediaya istinadən bildirir ki, o, ətraflı danışmayaraq terrorçuların liderinin təcrid olunduğunu deyib.
“Biz onun köməkçilərinin çoxunu məhv etmişik, o, tək qalıb. Onun demək olar ətrafında heç kim qalmayıb. O, təcrid olunmuş vəziyyətdədir, biz onun yerdəyişmələrini izləyirik”, - baş nazir söyləyib.
Dekabr ayının ortalarında İraqın xüsusi təyinatlı qüvvələrinin komandiri Fadil Barvari İŞİD liderinin Mosulda bunkerdə gizləndiyini bəyan etmişdi.
Yanvarın 23-də isə bir sıra KİV İŞİD liderinin yaralandığı və vəziyyətinin ağır olduğu haqda informasiya yayıb.
Modern.az
