Ermənistan hakimiyyəti Talış Mədəniyyət Mərkəzi İdarə Heyyətinin üzvü Şahin Mirzəyevin Ermənistanda "müvəqqəti sığınacaq" müraciətini qəbul edib. Modern.az saytı musavat.com-a istinadən xəbər verir ki, bu barədə Ermənistan Xarici İşlər Nazirliyinin yaydığı bəyanatda bildirilib.
Bəyanatda deyilir ki, "Tolişi Sado" qəzetinin jurnalisti və "Talış azadlıq hərəkatının" üzvü müraciətində "Azərbaycanın etnik və dini azlıqları təqib etdiyinə və onların hüquqlarını kobud şəkildə pozduğuna" görə ölkəni tərk etməyə "məcbur olub".
Həmçinin, bildirilir ki, o, Azərbaycanı ailəsi ilə birlikdə tərk edib.
Qeyd edək ki, Şahin Mirzəyev Əlikram Hümbətovun yaxın adamı kimi tanınır.
Modern.az
