Ukraynanın paytaxtı Kiyevdə polislə etirazçılar arasında toqquşma baş verib. Modern.az saytı Ukrayna mediasına istinadən xəbər verir ki, bu barədə Kiyev şəhərinin polis rəisi Andrey Krişşenko açıqlama verib.
Onun sözlərinə görə, insident nəticəsində 1 polis əməkdaşı xəsarət alıb, 5 etirazçı saxlanılıb. “112 Ukrayna” kanalı isə 10 etirazçının müxtəlif dərəcəli xəsarət alması barədə məlumat yayıb.
Bundan əvvəl Kiyevdə qondarma Donetsk və Luqansk xalq respublikalarının blokadaya alınmasının tərəfdarları prezident Petro Poroşenkonun iqamətgahı qarşısında çadır qurublar. Hazırda Kiyevdə vəziyyət sakitdir. Paytaxtda təhlükəsizlik tədbirləri gücləndirilib.
Modern.az
