Ermənistanın “Azad demokratlar” partiyasının rəsmilərindən olan Stepan Sarafyan seçkiqabağı təbliğat kampaniyası zamanı qonşu ölkələrə münasibətlərə toxunub.
Modern.az Ermənistan KİV-nə istinadən xəbər verir ki, Sarafyan Yerevanın İranın potensialından isitfadə etməli olduğunu deyib.
“Rusiya ilə münasibətlər daim diqqətimizdə olmalıdır. Türkiyəyə gəlincə, ictimaiyyət nümayəndələri arasında görüşlər olmalı və tərəflər qeyri-şərtsiz sərhədləri açmalıdır. İran isə bizim hərbi strateji müttəfiqimizdir. Türkiyə və Azərbaycan tandemini parçalamaq üçün bundan istifadə etmək olar”.
Vüqar İSMAYILOV
