Bakı-Sumqayıt yolunda baş verən dəhşətli qəzaya səbəb olan sürücü mediaya danışıb. Modern.az xəbər verir ki, sürücü Namiq Hüseynov ATV-yə açıqlamasında qəza anını belə xatırlayıb:
"Sumqayıt istiqamətində gedirdim, bir dənə ağ maşın arxadan sürətlə gəlib məni sıxdı. Sağa qaçırtdım, bunu buraxdım, öz yoluma düzələndə, "ZİL"ə dəydim".
Avtosfer.az saytı isə sürücünün yalan danışdığını bildirib: "Qəza ilə bağlı paylaşılan videoya diqqətlə baxanda aydın görünür ki həmin vaxt onu arxa tərəfdən heç bir avtomobil sıxmayıb. Əksinə olaraq onun sol tərəfində qəzadan yayınmaq üçün kifayət qədər boş yer olduğu halda o avtomobili düzünə idarə edərək bir başa yük avtomobilinə çırpıb".
Modern.az
