Rusiya baş nazirinin müavini Olqa Qolodets Azərbaycanın Rusiyadakı səfiri Polad Bülbüloğlunun YUENSKO-nun baş direktoru postuna namizədliyini dəstəkləyib.
Modern.az xəbər verir ki, o bu barədə TASS agentliyinə müsahibəsində deyib.
“Polad Bülbüloğlu gözəl insan və ictimai xadimdir. O, dünya mədəniyyətini və mədəni inkişafını tarixini mükəmməl bilir. Və o hər bir milli mədəniyyətin əhəmiyyətini həssaslıqla hiss edir”.
Polad Bülbüloğlunun namizədliyi martın 13-də elan olunub. Baş direktor seçimi 2017-ci ilin payızında keçiriləcək. Hazırda bu postu bolqarıstanlı İrina Bokova icra edir.
Vüqar İSMAYILOV
