İraqda İŞİD terror qruplaşmasının daha bir lideri məhv edilib. Modern.az xarici mediya istinadən xəbər verir ki, zərərsizləşdirilən İŞİD başçısı Əbu Bəkr əl-Bağdadinin “sağ əli” hesab edilən terrorçu İyad əl-Cümeylidir.
Məlumata görə, İraq Hərbi-Hava Qüvvələri terrorçuların Suriya ilə həmsərhəd Anbar əyalətinin Əl-Kaim rayonunda yerləşən komanda məntəqəsinə zərbələr endiriblər. Əməliyyat nəticəsində qruplaşmada ikinci şəxs hesab olunan “Əbu Yəhya” ləqəbli terrorçu İyad əl-Cümeyli məhv edilib. İŞİD iyerarxiyasında İyad əl-Cümeyli “müdafiə naziri” vəzifəsini icra edib.
Məhv edilən silahlılar arasında Əbu Bəkr əl-Bağdadinin yaxın ətrafında olan “Əbu Hacar” ləqəbli Türki Camal əd-Düleymi və “Əbu Həttab” ləqəbli Salam Müzəffər əl-Əcminin olduğu bildirilir.
Modern.az
