Baş Dövlət Yol Polisi İdarəsi üzrə ödənilmiş cərimələr 2014-cü ildə 67987372,0 manat, 2015-ci ildə 73452509,0 manat təşkil edib Bu da ümumilikdə ölkə üzrə büdcə təşkilatlarının büdcədənkənar daxilolmalarının müvafiq olaraq 32,8%-nə və 36,8%-nə bərabərdir.
Modern.az-ın məlumatına görə, bu Hesablama Palatasının 2016-cı il üzrə hesabatında qeyd edilib.
Məlumatda bildirilib ki, 2015-ci ildə ödənilmiş cərimələrin məbləği 2014-cü illə müqayisədə 5465137,0 manat və ya 0,8% artıb.
Ödənilən vəsaitlərin 2014-cü ildə 14,5%-i və ya 9877820,0 manatı, 2015-ci ildə isə 19,5%-i və ya 14301254,0 manatı əvvəlki illərdə qəbul edilmiş qərarlar üzrə ödənilən cərimələrdən ibarət olub. 2015-ci ildə əvvəlki illərdə qəbul edilmiş qərarlar üzrə ödənilən cərimə məbləğləri 2014-cü ilin müvafiq göstəricisindən 4423434,0 manat və ya 44,8% çox olub.
Baş Dövlət Yol Polisi İdarəsinin nəzdində ümumi sahəsi 52363 m2 olan 17 duracaq, o cümlədən Bakı şəhərində 13, Abşeron rayonunda 2, Sumqayıt və Gəncə şəhərlərinin hər birində 1 duracaq fəaliyyət göstərib. Nəqliyyat vasitələrinin duracaqda saxlanılmasına görə daxilolmalar 2014-cü ildə 67995,0 manat, 2015-ci ildə 84229,5 manat təşkil etməklə 16234,5 manat və ya 23,9% artıb.
Nəqliyyat vasitələrinin təxliyə avtomobilləri (evakuator) vasitəsilə duracaqlara gətirilməsindən daxil olan vəsait isə 2014-cü ildə 47900,0 manat, 2015-ci ildə 42080,0 manat təşkil etməklə 5820,0 manat və ya 12,2% azalıb.
Mirmahmud KAZIMOĞLU
