ATV kanalında yayımlanan "ATV səhər" informasiya proqramı fəaliyyətini dayandırır. Modern.az xəbər verir ki, bu barədə mediaya "ATV səhər" verilişinin müəllifi və aparıcısı Turan İbrahimov məlumat verib.
Turan İbrahimov qeyd edib ki, mövsümün bitməsinə bir ay qalmış rəhbərlik belə bir qərar verib.
Teleaparıcı ATV kanalında gələcək fəaliyyəti ilə bağlı suala da aydınlıq gətirib: "Bəli, ATV-də fəaliyyətimi davam etdirirəm. Yalnız "ATV səhər" verilişi yayımını dayandırır. "ATV səhər" verilişinin yaradıcı heyəti də iş başındadır və kanalda öz fəaliyyətlərini davam etdirəcəklər".
Modern.az
