Bakıda qayınana və gəlin dalaşıb, nəticədə onların hər ikisi cərimələnib.
“Report”un xəbərinə görə, hadisə Xəzər rayonunun qəsəbələrindən birində qeydə alınıb.
Belə ki, C.M. adlı qadının porno görüntüləri onun qayınanası G.M.-nın əlinə keçib. G.M. həmin görüntüləri oğluna göstərərək arvadını boşamağı tələb edib. Oğlu isə həyat yoldaşına aid görüntülərin toydan əvvəl çəkildiyini, C.M-nı sevdiyini, ondan ayrılmaq istəmədiyini deyib.
Qayınanasının hərəkətindən əsəbləşən C.M. onunla dalaşıb və qayınanasının boğazından möhkəm sıxıb. G.M. isə evdə olan külqabını gəlininin başına çırpıb.
C.M. və G.M. polisə şikayət edib.
Nəticədə onların hər ikisi İnzibati Xətalar Məcəlləsinin 157-ci (Döymə və sair zorakı hərəkətlərlə qəsdən fiziki ağrı yetirmə) maddəsinə əsasən 300 manat məbləğində cərimələnib.
Modern.az
