Prezident İlham Əliyevin respublikada ənənəvi təsərrüfat sahələrindən olan baramaçılığın inkişafına dair verdiyi tapşırıq və göstərişləri Füzuli rayonunda ciddi nəzarətdə saxlanılır.
Rayon İcra Hakimiyyətinin başçısı Alı Alıyev həftəsonu Qazaxlar, Əhmədalılar, Böyük Bəhmənli və Bala Bəhmənli kəndlərində olub, həmin kəndlərdə ipəkqurdu saxlayan kümçülərlə görüşüb görüşüb, onlarla söhbət edib, məsləhət və tövsiyyələr verib. Alı Alıyev bildirib ki, Prezident İlham Əliyev tərəfindən baramaçılığın uzun fasilədən sonra bərpa olunması regionlarda yaşayan əhalinin məşğulluğunun artırılmasına, onların sosial rifah hallarının yüksəldilməsinə xidmət edir.
İcra başçısı ipəkqurdu saxlayan kümçülərə bildirib ki, keyfiyyətli barama əldə etmək üçün tut yarpağının bol olması ən vacib şərtlərdən biridir. Çünkü ipəkqurdu yaxşı bəslənildikdə, istehsal edilən barama da keyfiyyətli olur.
İpəkqurdu saxlayan kümçülər isə Prezident İlham Əliyevin tapşırığı ilə respublikada ənənəvi təsərrüfat sahələrindən olan baramaçılığın yenidən bərpa olunmasını yüksək qiymətləndiriblər. Bildiriblər ki, baramaçılığın inkişafı kənd əhalisinin sosial-rifah halının yüksəldilməsinə, məşğulluğunun artırılmasına xidmət edən amildir.
Qeyd olunub ki, ölkə başçısının baramaçılığın inkişafına dair tapşırıq və göstərişlərinə uyğun olaraq may ayının əvvəlində 730 qutu, 13870 qr barama toxumu rayona gətirilərək 300-ə yaxın kümçüyə paylanılıb.
Rayonda barama saxlayan təcrübəli kümçülər tərəfindən ipəkqurdlarına lazımı aqrotexniki qulluq göstərilir. Hazırda ipəkqurdular məhsul istehsalının sonuncu mərhələsindədirlər. Yaxın günlərdə ipəkqurdular barama sarımağa başlayacaqlar. Hazırda yaş baramanın 1 kq-nın 9 manat olmasını nəzərə alsaq, istehsal olunacaq 30 tondan artıq baramdan rayon sakinləri qısa müddət ərzində 300 min manatdan arıq vəsait əldə edəcəklər. Təkcə baramaçılıqla bu il 1200-1500 nəfər məşğul olacaq ki, bu da əlavə iş yerləri, əlavə qazanc və yaxşı güzəran deməkdir.
Modern.az
