Mayın 29-30-da Avstriyanın Karintaya muxtar vilayətinin Villach şəhərində ATƏT Parlament Assambeleyası üzvlərinin “Milli azlıqlar siyasətinə yeni baxış” mövzusunda xüsusi toplantısı keçiriləcək.
Modern.az-ın məlumatına görə, toplantıda ölkələrin daxilində milli azlıqların qorunması, onların idarəetmədə iştirakı, dil və mədəniyyətlərinin qorunması, bunun üçün parlamentin rolu haqda geniş müzakirə olacaq.
Toplantıda ATƏT PA-nın prezidenti Kristine Muttonen, Karintiya bölgəsinin qubernatoru Peter Kaiser çıxış edəcək.
Karintiya bölgəsinin etnik əhalisi olan slovenlər 1920-ci ildə referenduma bölgənin Avstriyanın tərkibində qalmasına qərar veriblər. Bu gün Karintiya Avstriyanın ən inkişaf etmiş vilayətlərindən biridir.
Toplantıda Milli Məclisin ATƏT-in PA-da nümayəndə heyəti rəhbərinin müavini Tahir Mirkişili və ATƏT PA-nın vitse-prezidenti Azay Quliyev iştirak edəcək.
Mirmahmud KAZIMOĞLU
